Нарын шаарында жол кире жана таштанды төлөмдөрүнүн баасы жогорулайт. Бул тууралуу шаардык мэриядан кабарлашты.
Муниципалитеттен белгилешкендей, шаар аймагында маршруттук таксилерге жол кире окуучулар үчүн 5 сом болсо, эми 10 сом болот. Чоңдор үчүн жол кире буга чейин эле 10 сом болгон.
«Ошондой эле таштанды төлөмдөрүнүн да баасы 12 сомдон 20 сомго көтөрүлөт. Бул тууралуу 2022-жыл ичинде Нарын шаарынын 5 аймагында коомдук талкуулар өткөрүлүп, жыйынтыгында таштанды төлөмүн жана жол кирени көтөрүү боюнча чечим Нарын шаардык кеңешине сунушталган», — деп айтылат маалыматта.