Билим берүү жана илим министрлиги Жалал-Абад обулусуна караштуу Майлуу-Суу шаарында өзгөчө кырдаал киргизилгендигине байланыштуу бардык билим берүү мекемелери онлайн окутууга өткөнүн маалымдады.
Маалыматка караганда, онлайн окутуу шаардагы абал калыбына келгенге чейин уланмакчы.
12-январда катуу сууктан улам Майлуу-Суу шаарында таза суу түтүктөрү тоңуп, жылуулук берүү жана таза суу менен камсыз кылуу үзгүлтүккө учураган.
Мындан улам 13-январда Майлуу-Суу шаарына өзгөчө кырдаал режими киргизилген.