Өзбекстандын борбору Ташкент шаарынын бийлиги ызгаар суукка байланыштуу элге бекер палоо берүү чечимин кабыл алышты.
Маалым болгондой, ысык тамак акциясы 16-январга нике салондорунда, тойканаларда уюштурулат.
Анда ысык тамакка муктаждар жана турак жай-коммуналдык кызматтардын, шаарды көрктөндүрүү жана жол кыймылынын коопсуздугу бөлүмдөрүнүн кызматкерлери келе алышат.
Бекер тамак кайда жана кайсы убакыттарда берилери тууралуу маалымат Ташкент мэриясынын Телеграм-каналына жарыяланды.