Мамлекеттик салык кызматы 2022-жылы алкоголдук продукциялардын жүгүртүлүшүнө көзөмөл күчөтүлгөнү үчүн быйыл өндүрүлгөн алкоголдук продукциялардан 1 млрд 725,5 млн сом акциз салыгы түштү. Бул 2021-жылга салыштырмалуу 80 %га көп.
Анын ичинен «АЮ» ЖЧКсы 514,9 млн сом акциз салыгынын түшүүсүн камсыздады, бул 2021-жылга салыштырмалуу 53 пайызга көп.
2023-жылдын 1-январынан тарта акциздик марка менен маркаланбаган сыра продукциясын өндүрүүгө жана импорттоого тыюу салынат. Ал эми 2023-жылдын 1-июлунан тарта Кыргызстандын аймагында маркаланбаган сыра продукциясын жүгүртүүгө тыюу салынат.