Аргентина бийлиги 20-декабрды өлкөнүн 2022-жылкы футбол боюнча дүйнө чемпионатындагы жеңишинин урматына улуттук майрам деп жарыялады.
Аргентина курама командасынын футболчулары бүгүн борбору Буэнос-Айрес шаарын келет. Андан соң шаарда чемпионаттын парады башталат.
Белгилей кетсек, 18-декабрда Аргентина курама командасы 2022-жылкы Дүйнө чемпиондугунун финалында Францияны пеналтилер сериясынан 4:2 эсебинде утуп дүйнө чемпиону болду.
Аргентиналыктар 36 жылдан кийин үчүнчү жолу дүйнө чемпиону болушту. Буга чейин, команда 1978 жана 1986-жылдары дүйнө чемпиону болгон.