Президент Садыр Жапаров бүгүн, 6-декабрда Казакстандын президенти Касым-Жомарт Токаев менен телефон аркылуу сүйлөштү. Бул тууралуу Президенттик администрациядан билдиришти.
Касым-Жомарт Токаев Садыр Жапаровду туулган күнү менен куттуктап, бекем ден соолук жана боордош кыргыз элинин жыргалчылыгы үчүн жооптуу мамлекеттик ишмердигине ийгиликтерди каалаган.
Ошондой эле, сүйлөшүүдө 9-декабрда Бишкекте өтө турган Жогорку Евразиялык экономикалык кеңештин жыйынынын күн тартибиндеги актуалдуу маселелер талкууланган.