Марокконун футбол боюнча курама командасы Катарда өтүп жаткан Дүйнө чемпиондугунун плей-офф баскычына чыкты.
Марокко курамасы 36 жылдан бери биринчи жолу плей-ооф баскычына чыгышты. Алар, тайпалык этаптын үчүнчү айлампасында Канада курама командасын 2:1 менен жеңип алды.
Голдорду жарым коргоочу Хаким Зиеч менен чабуулчу Юсеф Эн-Несири киргизди. Ошентип марокколуктар жети упайга ээ болуп, F тайпасында биринчи орунду ээледи.
Бул тайпадагы башка оюнда Хорватия Бельгия менен 0:0 эсебинде тең чыкты. Бул жыйынтык хорваттарга беш упай менен таблицада экинчи орунду ээлеп, турнирдин 1/8 бөлүгүнө чыгууга шарт түздү. Үчүнчү орунда төрт упайга ээ болгон бельгиялыктар, төртүнчү орунда Катарда үч беттеште тең утулуп калган канадалыктар болду.
Катардагы футбол боюнча дүйнөлүк чемпионат 20-ноябрда башталган 18-декабрда аяктайт.