Жогорку Кеңештеги Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитетинин төрагалыгына «Ишеним» фракциясынын депутаты Чолпон Султанбекова шайланды.
Бул тууралуу парламенттин 1-декабрдагы жыйынында белгилүү болду. Султанбекованын талапкерлиги үчүн 81 депутат «макул», экөө «каршы» добуш берди.
30-ноябрда Медер Алиев аталган комитеттин төрагалыгынан кеткен. Ал мындай чечимди кабыл алууга Кемпир-Абад маселеси себеп болгонун билдирген.