Президент Садыр Жапаров “2022-жылдын 3-ноябрында Бишкек шаарында кол коюлган Кыргызстан менен Өзбекстандын ортосундагы Кыргыз-өзбек мамлекеттик чек арасынын айрым участоктору жөнүндө келишимди ратификациялоо тууралуу” мыйзамга кол койду. Бул тууралуу президенттик аппараттан билдиришти.
Мыйзам Жогорку Кеңеши тарабынан 17-ноябрда кабыл алынган.
Мыйзам ушул жылдын 3-ноябрында Бишкек шаарында кол коюлган кыргыз-өзбек Мамлекеттик чек арасынын айрым участоктору жөнүндө Келишимди ратификациялоону сунуштайт.
3-ноябрда Бишкек шаарында Кыргызстан менен Өзбекстандын ортосундагы Кыргыз-өзбек мамлекеттик чек арасынын айрым участоктору жөнүндө келишимге кол коюлуп, ага 302,29 км аралыктагы участоктор кирген.