Алмаз Имангазиев тышкы иштер министринин орун басары болуп дайындалды. Тиешелүү чечимге министрлер кабинетинин төрагасы Акылбек Жапаров кол койду.
Маалыматта «Кыргыз Республикасынын министрлер кабинети жөнүндө” Кыргыз Республикасынын конституциялык мыйзамынын 18-беренесине ылайык, Алмаз Имангазиев тышкы иштер министринин орун басары болуп дайындалды», — деп айтылат.
Алмаз Имангазиев Түркмөнстанга элчи болуп дайындалган Азизбек Мадмаровдун ордуна дайындалган.
Ал буга чейин Тышкы иштер министрлигинин Консулдук кызмат департаментинин жетекчиси кызматын аркалап келген.