Бишкекте кыз ала качууга шектелген жигиттер кармалды. Бул тууралуу Ленин райондук милициясынын маалымат кызматы кабарлады.
Маалыматка караганда, 20-ноябрда Ленин райондук милициясына жабырлануучу кайрылып, аны чала тааныш адамдар ошол эле күнү саат 15:00 чамасында Арча-Бешик конушунда Volkswagen Passat унаасына салып, Токмок тарапка ала качуу үчүн алып кетүүгө аракет көргөнүн билдирген.
Бул факты Кылмыш-жаза кодексинин 172-беренеси (“Никеге туруу максатында ала качуу”) менен катталган.
Шектүү катары 20 жаштагы С.С. жана 24 жаштагы К.Ж. аттуу жигиттер кармалып, милициянын убактылуу кармоочу жайына киргизилген. Тергөө амалдары уланууда.