Бүгүн, 19-ноябрда Бишкекте “Мага баары бир эмес” аталышындагы V Жарандык форуму өтүп жатат.
Аталган форумда “Бүгүнкү күндөгү жарандуулук, симптомдор, диагноз, эскертмелер”, “Жарандуулук билими”, “Жарандуулук жана мамлекет”, “Эркиндик, укук жана демократия” деген темаларда талкуулар уюштурулат.
Иш-чарага жарандык активисттер, саясат таануучулар, эксперттер, укук коргоочулар, блоггерлер, коомдук ишмерлер катышууда.
Форумдун алкагына “Жарандуулук үлгүлөрү” аттуу сүрөт көргөзмөсү уюштурулган. Сүрөт көргөзмөдө жарандык активисттердин, жарандык коомдун кылган аракеттери чагылдырылган.
Иш-чара кечки саат 18:00гө чейин уланат.