Бүгүн, 19-ноябрга караган түнү Бишкектин Октябрь районунун Матросов көчөсүндө жайгашкан кампадан ири өрт чыккан. Бул тууралуу Өзгөчө кырдаалдар министрлигинин басма сөз кызматы билдирди.
Өрттү өчүрүүгө жерине саат 02:57ден тарта ӨКМдин Октябрь, Свердлов, Биринчи май райондук бөлүмүнөн жалпы 5 бөлүм, ошондой эле Кризистик кырдаалдарда башкаруу борборунан ыкчам топ, 1 автошаты тартылып, тилсиз жоо саат 06:14дө чектөөгө алынган.
Учурда өрттү толук өчүрүү иши жүрүүдө. Алдыда кошумча маалымат берилет.
Алдын ала маалымат боюнча, өрт кырсыгынан жабыркагандар катталган жок.