Бишкек жылуулук электр борборуна Казакстандан ташылып жаткан көмүрдүн алгачкы бөлүгү алып келинди. Бул тууралуу «Электр станциялары» ишканасынын басма сөз катчысы Тагжана Айдаралиева кабарлады.
Кара-Жыра кенинен көмүр жеткирүү 2022-жылдын ноябрь айынан 2023-жылдын май айына чейин жүргүзүлүүдө. Биринчи партия менен 64 вагон көмүр түшүрүлүп, дагы 65 вагон жолдо.
2021-2022-жылдагы кышкы мезгилде да Казакстандын Кара-Жыра кенинен Бишкек ЖЭБине 643 миң тонна D сортундагы көмүр алынган.
Бишкек жылуулук электр борборунда бүгүн, 18-ноябрга карата 172 миң тоннадан ашык көмүр бар. Күнүмдүк керектөө суткасына 7,2 миң тоннага жакын.