Билим берүү жана илим министрлиги Балдарды эрте аныктоо жана коррекциялык — өнүктүрүүчү окутуу ресурстук борборун ачты. Бул тууралуу ведомствонун басма сөз кызматы билдирди.
Маалыматка ылайык, борбор Чүй облусунун Ысык-Ата районунда жайгашкан.
Кечээ, 21-октябрда борбордун ачылышына Билим берүү министри Уланбек Мамбетакунов катышты.
«Борбордо өнүгүү мүмкүнчүлүгү чектелген же пайда болуу коркунучу бар балдар үчүн сабактар, үй-бүлөдө жана жергиликтүү жамаатта баланын өнүгүү жана билим алуу шарттарын түзүү үчүн ата-энелерди колдоо боюнча иш-чаралар өткөрүлөт. Мындай аракеттер көйгөйлөрдү эрте аныктоого жана балдардын өнүгүү өзгөчөлүктөрүн баалоого өбөлгө түзөт», — деп айтылат маалыматты.