Өзбекстандын президенти Шавкат Мирзиёевге Түркмөнстанга жасаган сапарында алабай белек кылышты. Бул тууралуу Өзбекстан президентинин маалымат кызматы билдирди.
Шавкат Мирзиёев Ашхабаддагы расмий сапарынын алкагында Түркмөнстан парламентиннин төрагасы, экс-президент Гурбангулы Бердымухамедов менен жолугушту. Жолугушууда эки тараптуу кызматташтык, аймактык жана эл аралык маселелер талкууланды.
Жолугушуунун аягында Гурбангулы Бердымухамедов өзбек президентине түркмөн алабайын белек кылды.
Түркмөнстандын экс-президенти мындан бир канча жыл мурун Орусия президенти Владимир Путинге да алабай күчүк белек кылган болчу.