Өзбекстандын мамлекеттик статистика комитетинин маалыматтарына караганда өлкөдө калктын саны ар ай сайын 61,1 миң кишиге көбөйүп турган. Бул тууралуу жергиликтүү басылмалар жазды.
Маалыматта, Өзбекстанда 2022-жылы калктын саны орточо эсеп менен күн сайын 2 миң кишиге көбөйүп жатканы айтылат. Учурда калктын жалпы саны 35 млн 800 миң. 36 миллионго 2023-жылдын башында жетери күтүлүүдө.
Өзбекстан калктын санынын көптүгү боюнча КМШда үчүнчү орунда. Ал эми төрөлүү темпи боюнча Өзбекстан КМШ аймагында эң алдыңкы сапта.