Бүгүн Киевге Орусия тараптан дрон-камикадзелер менен чабуул болгонун шаар мэри Виталий Кличко билдирди.
Дрон-камикадзелер чабуулунан улам шаардын Шевченко районунда бир канча турак-жай кыйраган. Кличко «Абадан чабуул эскертүүсү берилди. Башпаанектериңизден чыкпаңыздар», — деп жазды Телеграм каналында.
Ошондой эле кечээ түнү Орусиянын аба күчтөрү Днепропетровск облусунда «Град» ракетасы жана артиллерия менен сокку урган.
Дрон-камикадзе — Ирандын өндүрүшүнө таандык «Шахид» учуучу дрондору. Ал система көрсөткөн жерге жапыз учуп барып жардырат.