«Улуу көчмөндөр мурасы» улуттук холдингинин башчысы Тенгиз Бөлтүрүк 10-ноябрга чейин убактылуу кармоочу жайда калтырылды. Мындай чечим бүгүн, 3-октябрда Бишкек шаардык соту тарабынан чыгарылды.
Бишкектин Октябрь райондук соту 15-сентябрда Бөлтүрүктү 10-ноябрга чейин камоо чечимин чыгарган.
Тенгиз Бөлтүрүк Кумтөрдөгү коррупцияга байланыштуу кармалган. Башкы прокуратуранын маалыматына караганда, Кумтөрдөгү коррупциялык схеманын натыйжасында мамлекетке 1 млрд сомго жакын зыян келтирилген.