Ички иштер министринин биринчи орун басары Адылбек Бийбосунов Баткен облусунун Лейлек районунун Айдаркен айылындагы жана Сүлүктү шаардык милиция кызматкерлери менен жолугушту. Бул тууралуу ИИМдин басма сөз кызматы билдирди.
Жолугушууда милиция бөлүмдөрүндө өздүк курамы менен кошумча күчтөрдүн иш алып баруусу менен таанышып, кошумча тапшырмаларды берди. Ошондой эле алардын уюштуруучулук жана камсыздандыруу иштери менен таанышып чыкты.
Андан сырткары, Сүлүктү шаарында шаардык кеңешинин депутаттары жана активисттери менен жолугушуулар өттү.