Баткендин айрым тургундары алыскы айылдарга көчүрүлгөн элге гуманитардык жардам жетпей жатканын айтышууда.
Кечээ, 21-октябрда Баткендин Кулунду айылындагы Байзак-Сай жерлигине көчүрүлгөн эл гуманитардык жардам сурап «Маралга» кайрылышкан.
Эвакуацияланган элдин муктаждыктарын камсыздоо үчүн Өзгөчө кырдаалдар министрлигине байланыштык.
Жыйынтыгында министрлик дароо реакция кылып, Кулунду айылындагы Байзак-Сай жерлигине керектүү гуманитардык жардамды жеткирип берди. Бул тууралуу министрликтин өкүлү Ырысбек Жолдошбаев «Маралга» кабарлады. Маалыматты жергиликтүү тургандар да ырастады.
Өзгөчө кырдаалдар министрлигинин маалыматына таянсак, кыргыз-тажик чек арасындагы куралдуу кол салууда жабыркагандарга гуманитардык жардам чогултуу үчүн жалпы 188 пункт уюштурулду.
Учурда өлкөнүн бардык аймагынан чогултулган гуманитардык жардамдар Баткен облусуна жөнөтүлүүдө.
