Бүгүн, 22-сентябрь саат 8:30га карата мамлекеттик чек аранын Баткен облусундагы кыргыз-тажик тилкесинде абал салыштырмалуу туруктуу. Бул тууралуу УКМКнын Чек ара кызматы билдирди.
Маалыматка караганда, түн тынч өттү жана эч кандай окуя катталган жок.
Бүгүн чек ара аймактарын жарылбаган снаряддардан, миналардан жана башка жардыргыч заттардан тазалоо жана зыянсыздандыруу боюнча иштер уланмакчы.
Тараптардын жумушчу комиссиялары кырдаалды басаңдатуу жана макулдашуулардын аткарылышын текшерүү боюнча иш-чараларды жүргүзүүдө.