Тажикстандын Кыргызстанга куралдуу кол салуусу учурунда дайынсыз жоголгон төрт адам кечээ, 18-сентябрда табылды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка караганда, тажиктер Кыргызстанга ок жаадырганда Баткен районунун Ак-Сай айылынын тургундары тоо таяна качып, бекинип жатышкан.
Табылган Ак-Сай айылынын тургундарына тик учак жөнөтүлүп, аны менен Баткенге алып келинген.