Сербияда өтүп жаткан күрөш боюнча Дүйнө чемпионатында кыргызстандык эркин күрөшчү Эрназар Акматалиев жарым финалга өттү.
Ал болгариялык балбан Рамазан Рамазанов менен күрөшүп, аны 11:00 эсебинде жеңип, жарым финалга жолдомо алды.
Ал 70 килограммга чейинки салмак ченинде катышып, 1/8 финалдан баштаган.
Биринчи беттеште Эрназардын атаандашы Молдовадан келген Европа чемпионатынын коло байге ээси болгон. Акматалиев 14:2 эсебинде мөөнөтүнөн мурда жеңишке жетти.
Бүгүн дагы бир кыргызстандык балбан Арсалан Будажапов 1/16 финалдан тарта күрөшүп, учурда ал чейрек финалга өткөн.