Украина 2023-жылы коргонуу үчүн бюджеттин дээрлик жарымы — 1 трлн 136 млрд гривен акча каражатын бөлөт.
Өткөн жылдагыга салыштырмалуу аскердик чыгымдар төрт эсе көбөйгөн.
Ошондой эле Украина өкмөтү кийинки жылдагы бюджет долбоорунда 19 млрд гривенди согуштун кесепеттерин жоюуга бөлүүнү көздөп жатат. Бул суммага Орусиянын конфискацияланган активдери жана эл аралык жардамдар да кошулат.
Ал эми бюджеттин 35%ы социалдык багытка жумшалат. Өлкө казынасындагы башка бардык чыгымдар кыскартылды.