Ысык-Көл облусунун Жети-Өгүз районунун Кабак айылында мектептин курулушу бүтпөгөндүктөн, балдар мурунку дүкөндүн имаратында окуп жатышат. Бул тууралуу Жогорку Кеңештин бүгүнкү жыйынында депутат Арсланбек Малиев билдирди.
Анын айтымында, ошол айылдагы дүкөндү класстарга бөлүп, балдарды окутушууда. Мектеп төрт жылдан бери курулуп бүтө элек.
Мындан сырткары депутат Кара-Талаа айылында 1932-жылы курулган мектептин абалы оор экендигин белгилеп, бул боюнча Өкмөткө кайрылганы менен тыянак чыкпаганын белгиледи.