Бүгүн, 7-сентябрда УКМКнын төрагасы Камчыбек Ташиевдин катышусуунда УКМКнын Ысык-Көл облусу боюнча башкы башкармалыгынын медициналык бөлүмүнүн жаңы имаратынын жана башкармалыктын кызматкерлери үчүн футбол аянтчасынын ачылышы болду.
Ачылышка президенттин Ысык-Көл облусундагы ыйгарым укуктуу өкүлү Алтынбек Сулайманов, Каракол шаарынын мэри жана атайын кызматтын ардагерлери катышкан.
Ташиев УКМКнын Ысык-Көл облусу боюнча башкы башкармалыгынын өздүк курамын куттуктап, бул иш-чара УКМК бөлүмдөрүнүн материалдык-техникалык базасын чыңдоо боюнча мамлекеттик комитеттин жетекчилиги тарабынан жүргүзүлгөн иштер экендигин белгилеген.