Волейбол боюнча Кыргызстандын курама командасы Азиянын чакырык кубогунун жеңүүчүсү болду.
Турнир 29-августтан 3-сентябрга чейин Чолпон-Атада үч команданын катышуусу менен өттү.
Кечээ, 3-сентябрда беттештин акыркы оюндары болуп өттү.
Оюндун алгачкы эки партиясында Кыргызстан курама командасы Сауд Арабиясына каршы ойноп, 0:2 эсебинде артта калды, бирок андан кийин катары менен үч партияны жеңип, 3:2 эсебинде жеңишке жетишти.
3-орун үчүн болгон беттеште Өзбекстандын курама командасы 3:2 эсебинде Монголияны жеңди.