Президент Садыр Жапаров мындан кийин Эгемендүүлүк майрамын ар жылы ар бир дубанда салтанаттуу өткөрүүнү салтка айлантуу ниети бар экендигин билдирди.
Анын айтымында, мындай кадам элдин ынтымагын арттырат.
«Мындан кийин Эгемендүүлүк майрамын ар жылы ар бир дубанда салтанаттуу өткөрүүнү салтка айлантуу ниетибиз бар. Мындай кадам өлкөнүн бардык аймактарында жашаган элибизди ынтымагын арттырат, биримдигин бекемдейт, карым-катнашын күчөтөт», — деп билдирди президент.
Мамлекет башчысы быйыл эгемендүүлүктүн 31 жылдыгына карата Чуңкурчак жайлоосунда 31 метрлик туусун көтөрүү менен майрамдык иш-чараны баштап берди.