Эгемендүүлүк күнүнө карата Юстиция министрлигинин Жаза аткаруу кызматынын Беловодск айылында жайгашкан №16- мекемесинде кичи футбол боюнча турнир болуп өттү. Бул тууруалуу аталган кызматтын басма сөз бөлүмү билдирди.
Маалыматка караганда, сергек жашоого үндөө жана спорттук форманы чыңдоо максатындагы мелдешке 5 команда катышкан.
Бир катар оюндардан кийин 1-орунду Тарбиялык, социалдык жана психологиялык иштер башкармалыгынын кызматкерлеринен турган команда ээлеп, Жаза аткаруу кызматынын кубогу менен сыйланышкан.