Кыргызстандын Куралдуу күчтөрүнүн Аскер институтунун курсанттары катышкан жол кырсыгы боюнча кылмыш иши козголуп, кызматтык иликтөө иши жүрүүдө. Бул тууралуу Коргоо министрлигинин басма сөз кызматы билдирди.
28-августта Кыргызстандын Куралдуу күчтөрүнүн Аскер институтунун курсанттары аскердик ант бергенден кийин «Ата-Бейит» улуттук тарыхый-мемориалдык комплексинин аймагында жол кырсыгына кабылышкан.
Кырсыктан 9 аскер ар кандай жараат алган. Учурда курсанттардын абалы канааттандырарлык. Жабыркаган курсанттардын дарылануусуна, медициналык текшерүүгө жана операцияга тиешелүү жардам көрсөтүүдө.