Uzbekistan Airways компаниясы Кыргызстанга болгон аба каттамдарын көбөйттү.
Авиакомпания билдиргендей, Ташкент – Бишкек – Ташкент багыты боюнча кошумча каттамдар 14, 21 жана 28-сентябрда аткарылат.
Ташкенттен 13:00дө учуп чыгып, Бишкекке 15:10до конот, ал эми Бишкектен учак 16:30да учуп чыгып, Ташкентке 16:50дө конот.
Эми Ташкент — Бишкек — Ташкент багыты боюнча аба каттамы жумасына төрт жолу — дүйшөмдү, шаршемби, бейшемби жана ишемби күндөрү аткарылат.
Буга чейин Өзбекстандан Бишкекке аба каттамы жумасына эки ирет гана аткарылып келген.