Нарын шаарында Жалпы республикалык тестирлөөнүн жыйынтыгында Алтын сертификат алган окуучулардын мугалимдерине унаа белек кылынат. Бул тууралуу Нарын шаарынын мэри Канболот Тутуев кечээ, 25-августта Нарын шаарында өткөн мугалимдердин август конференциясында билдирди.
Мэрдин айтымында, унаа белек кылуу келээрки окуу жылдын жыйынтыгы боюнча берилет жана каржы булактарын табууну өзү көзөмөлдөйт.
Калаа башчысы мындай иш-аракеттер мугалимдер үчүн чоң стимул болот деп ишенет.
Нарын шаарында 8 орто мектепте 550 мугалим эмгектенет, китеп менен камсыз болуу орус тилдүү мектептерде 83, ал эми кыргыз тилдүү мектептерде 77 пайызды түзөт.