Аламүдүн районунда балык уулоого кеткен 52 жаштагы адам эки күндөн бери изделүүдө. Бул тууралуу ӨКМдин басма сөз кызматы билдирди.
Маалыматка караганда, Ала-Арча суу сактагычына 1971-жылы туулган И.У.К. аттуу жаран балык уулоого чыгып, кайра кайтып келбегиндиги тууралуу маалымат 112 кызматына түшкөн.
Издөө иштеринин жүрүшүндө суунун жээгинде кийимдери табылган. Издөө иштерин жүргүзүүгө ӨКМден 8 куткаруучу, ИИМден кызматкерлер тартылган.
Кечээ, 25-августта жүргүзүлгөн издөө иштеринен жыйынтык болгон эмес.
Бүгүн, 26-августта издөө иштери улантылат.