Аpple компаниясы 7-сентябрда iPhone 14 смартфонунун жаңы моделдеринин презентациясын өткөрөт. Ал эми сатыкка чыгаруу 16-сентябрга белгиленген. Бул тууралуу Bloomberg басылмасы жеке булактарына таянып жазды.
Ошондой эле, презентацияда жаңы Mac компьютерлери , iPad планшеттери жана Apple Watch акылдуу сааттарынын үч жаңы модели да кардарлардын сынына коюлат.
Ал эми социалдык тармактарда жайылган мааалыматтарга таянсак, iPhone 14 моделдеринин баалары төмөнкүдөй болору күтүлүүдө:
- iPhone 14 – 799 доллар;
- iPhone 14 Plus – 899 доллар;
- iPhone 14 Pro –1099 доллар;
- iPhone 14 Pro Max –1199 доллар.
Эскертүү: Бул болжолдуу баалар АКШ рыногуна ылайыкталып, кошумча нарк салыгысыз көрсөтүлгөн. Ал эми Аpple компаниясы жаңы смартфондор линиясынын баалары тууралуу расмий билдирүү жасай элек.