Бүгүн Кыргызстандагы бардык мечиттерде Орусиянын Ульяновск облусунда жол кырсыгында каза болгон мекендештерге багышталып куран окулат. Бул тууралуу Кыргызстан мусулмандар дин башкармалыгы маалымдады.
Кыргызстандын муфтийи Замир кары Ракиев 13:30да (бешим намазы) Бишкектеги эски борбордук мечитте дин кызматкерлери тарабынан окулган хатм куранды маркумдарга багыштап дуба кылат.
Эскерте кетсек, бүгүн, 23-август Кыргызстанда аза күтүү күнү деп жарыяланып, Орусиядагы жол кырсыгында шейит кеткен мекендештер эскерилүүдө.
Алардын сөөгү бүгүн Бишкек убактысы боюнча саат 17:40та Ош аба майданына алып келинери күтүлүүдө.