Connect with us

Кыргыз-өзбек ИИМ башчылары кызматташтык жөнүндө макулдашууга кол коюшту

Кыска кабар | 20 Авг 2022 | 205 | 0

Ташкенттеги ШКУга мүчө мамлекеттердин ички иштер жана коомдук коопсуздук министрлеринин кеңешмесинин алкагында Кыргызстан менен Өзбекстандын ички иштер министрлери Улан Ниязбеков жана Пулат Бобожонов жолугушту.

ИИМден билдиришкендей, жолугушуунун жүрүшүндө заманбап дүйнөнүн криминалдык чакырыктарын, маалыматтык чөйрөдөгү кылмыштуулукту, терроризмди жана экстремизмди, мыйзамсыз миграцияны, баңгизаттарды, курал-жарактарды мыйзамсыз жүгүртүүнү жана адамдарды сатууну эске алуу менен кызматташууну мындан ары кеңейтүү зарылдыгы белгиленди.

Мындан тышкары кылмыштуулукка каршы күрөшүү боюнча эки тараптуу кызматташтыкты өнүктүрүү, кадрларды даярдоо жана кайра даярдоо, ошондой эле региондук коопсуздукту жана туруктуулукту чыңдоо маселелери талкууланды.

Жолугушуунун жыйынтыгында узак мөөнөттүү кызматташтык жөнүндө макулдашууга кол коюлду.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM