УКМК: Ок атуучу куралдарды мыйзамсыз сактаган ишкер кармалды

Улуттук коопсуздук мамлекеттик комитети тарабынан ок атуучу куралдарды жана жардыргыч заттарды мыйзамсыз сактагандыгы үчүн «Үмүт и Ко» жоопкерчилиги чектелген ишкананын тең ээси, 1970-жылы туулган А.Ж.Т. аттуу жаран камалды. Бул тууралуу атайын кызматтын басма сөз кызматы билдирди.

Тинтүү ишинин жүрүшүндө иш бөлмөсүнөн жана жана жашаган жеринен брондолгон чалгындоо жана күзөт унасы, түрдүү курал-жарак, көп сандаган ок-дары, жардыруучу зат жана акча каражаттары табылган.

Атайын кызмат ишкердин күнүмдүк турмушунда дайыма аскердик форма кийип, дайыма агрессиялык көрүнүшөргө жакын экендигин белгилеген.

Бул факты Кылмыш-жаза кодексинин 267-беренесинин 3-бөлүгүндө (Куралды, ок-дарыларды мыйзамсыз жүгүртүү) каралган кылмыштын негизинде катталып, тиешелүү экспертизалар дайындалып, тергөө иштери жүрүүдө.

Кармалган ишкер УКМКнын убактылуу кармоочу жайына киргизилген.