Кыргызстандын эгемендүүлүк күнүнө карата жана төкмө акын Замирбек Үсөнбаевдин 70 жылдыгына арналган XV эл аралык кыргыз-казак төкмө акындарынын айтышы өтөт. Бул тууралуу Кыргыз улуттук «Манас» театрынын басма сөз кызматы билдирди.
«Айтыш-2022» сынагынын тандоо туру 22-августта саат 10:00дө «Манас» кинотеатрында башталат.
Айтыштын жарым финалы жана финалдык бөлүгү 30-31-августта саат 18:00дө Токтогул Сатылганов атындагы Кыргыз улуттук филармониясында өтөт.
Кыргыз-казак төкмө акындарынын айтышынын байге фонду 3 млн сом.