Беш жылдан бери издөөдө жүргөн Баткен обулусунун Лейлек районунун 1978-жылы туулган тургуну Орусиядан табылды. Бул тууралуу Баткен облустук ички иштер башкармалыгынын басма сөз кызматы билдирди.
Аталган жарандын үстүнөн 2016-жылы Кылмыш жаза кодексинин 204-беренеси жана 200-беренеси менен кылмыш иши козголуп, мамлекетке 117 миң 500 сомдук зыян келтиргендиги аныкталган.
Ал кылмыш жоопкерчилигинен качып кеткендигине байланыштуу, 2018-жылы издөө жарыяланган.
Лейлек милициясы тарабынан кылмышка шектүү М.Жнын Орусияда жүргөн жери аныкталып, кечээ, 18-августта алып келинген.
Учурда тергөө иштери жүрүп жатат.