Эмгек, социалдык камсыздоо жана миграция министрлигинин колдоосу менен Ысык-Көлдөгү «Улан» балдардын ден соолукту чыңдоо борборунда 202 бала эс алат. Бул тууралуу министрликтин басма сөз кызматы билдирди.
Маалыматка караганда, министрлик Талас, Нарын, Ысык-Көл, Чүй облустарынан жана Бишкек шаарынан майып, жетим балдар, ата-энесинин камкордугусуз калган жана турмуштук оор кырдаалга кабылган балдар үчүн жайкы эс алууну уюштуруп жатат. Балдар 10 күн эс алышат.
Эс алууга катталуу 15-августта башталган.
Эске салсак, Эмгек министрлиги өткөн аптада Ысык-Көлдө 100 жетим жана майып балдар үчүн эс алуу уюштурган эле.