Тышкы иштер министри Жээнбек Кулубаев БУУнун Кыргызстандагы тутумунун жаңы туруктуу координатору Кристин Антье Гравени кабыл алды.
Жолугушууда эки тараптуу кызматташтыкка байланышкан маселелерди талкуулашты.
Кристин Антье Граве Кыргызстандагы туруктуу өнүгүүнүн максаттарына жетүү үчүн ишке ашырылып жаткан учурдагы долбоорлор боюнча иштерди улантууга даярдыгын билдирди.
Өз учурунда министр Кыргызстан БУУнун институттары жана кызыкдар тараптардын баары менен кабыл алынган резолюцияларды жана келечектеги эл аралык демилгелерди ишке ашыруу боюнча кызматташууга умтуларын белгиледи.