Чүйдө дайынсыз болуп жаткан малчынын сөөгү табылды. Бул тууралуу Өзгөчө кырдаалдар министрлигинин маалымат кызматы билдирди.
Аламүдүн районунда 6-август күнү 37 жаштагы У.С. аттуу малчы мал кайтарууга чыгып кетип, кайтып келген эмес.
Анын кийимдери кечээ, 8-августта Октябрская жана Лубиная айылдарынын ортосунан агып өткөн Чу суусунун жээгинен табылган.
Бүгүн, 9-августта жерине издөө иш-чараларын улантуу максатында Аламүдүн райондук Өзгөчө кырдаалдар бөлүмүнүн 8 куткаруучусу тартылган.
Издөө иштеринин натыйжасында саат 11:23тө куткаруучулар тарабынан аталган жарандын сөөгү табылып, милиция кызматкерлерине өткөрүлүп берилген.