Орусиянын Москва шаарында жаан учурунда канализацияда оңдоо иштерин жүргүзүп жаткан эки кыргызстандык каза болду. Бул тууралуу Орусиянын Прокуратура жана Өзгөчө кырдаалдар министрлигине таянып, РИА Новости жазды.
Москвада жаан учурунда канализацияда оңдоо иштерин жүргүзүп жатканда үч жумушчу жоголуп, кийин сөөктөрү табылган.
Кийин алардын бири Тажикстандын жараны, экөө Кыргызстандын жараны экени белгилүү болгон.