Сот адилеттиги боюнча кеңеши тарабынан президент Садыр Жапаровдун дарегине Ысык-Көл жана Жалал-Абад облустарынын айрым жергиликтүү сотторунун бош судьялык кызмат орундарына дайындоо үчүн 5 талапкер боюнча сунуш түшкөн.
Бир талапкердин анын талапкерлигин кайтарып алуу боюнча арызына байланыштуу, аны жергиликтүү соттун судьясынын бош кызмат ордуна дайындоо сунушу четке кагылды.
Тийиштүү мамлекеттик органдар тарабынан талапкерлерге карата берилген кошумча материалдарды эске алуу менен президент судьялык кызматка дайындоо үчүн калган бардык талапкерди дайындоого макул болду.
Президент Садыр Жапаров төрт талапкер боюнча жергиликтүү соттордун судьялык кызматтарына дайындоо жөнүндө жарлыктарды чыгарды.
Жалал-Абад облусу:
- Мусурманкулов Бекмухаммет Лутуббилаханович;
Ысык-Кол облусу, Каракол шаардык соту:
- Каипова Нурила Кочкоровна;
- Эралиев Талайбек Каскаевич;
Жети-Огуз райондук соту:
- Асаналиев Нуркалый Жумабекович.
Жарлыктар кол коюлган күндөн тартып күчүнө кирет.