Айыл чарба тармагында чыгашалардын өсүү динамикасын көрүп жатабыз, жыл башынан бери бул тармакка 10,9 миллиард сом бөлүнгөн. Бул тууралуу бүгүн, 20-июлда Финансы министри Алмаз Бакетаев билдирди.
Бул каражат негизинен жазгы талаа жумуштарын даярдоого, анын ичинде ирригациялык системаны оңдоого жумшалганы айтылды.
«2022-жылдын аягына чейин айыл чарба тармагын өнүктүрүүгө 23,6 миллиард сом бөлүүнү көздөп жатабыз. Айыл чарбасын каржылоо -10 долбоорун ишке ашыруу уланууда. Анын алкагында бүгүнкү күндө 4 млрд сомго чейин насыя берилди. Айыл-чарбаны кредиттөө жагынан эки мамлекеттик банктын капиталы 3,4 миллиард сомго көбөйтүлгөн» , — деди министр.
Министрдин маалыматы боюнча, 2022-жылы азык-түлүк коопсуздугун камсыздоого бюджеттен 8,5 миллиард сом бөлүнөт, анын 5,8 миллиард сому биринчи жарым жылдыкта бөлүнгөн.