Казакстандык теннисчи Елена Рыбакина Уимблдон турниринин жеңүүчүсү болду. Финалдык беттеште 17-орунду ээлеген казакстандык дүйнөнүн экинчи ракеткасы тунистик Онс Жаберди 3:6, 6:2, 6:2 эсебинде эрктүү жеңип алды. Жолугушуу 1 саат 47 мүнөткө созулду.
Анын атаандашы Онс Жабер «Чоң шлем» турнирлеринин финалына чыккан биринчи араб жана африкалык теннисчи айым болуп калды. Ал учурда дүйнөнүн 3-ракеткасы.
Елена Рыбакина теннисчи кыз-келиндердин арасында дүйнөдө 23-орунда турат. Ал Орусиянын Москва шаарында төрөлгөн. Учурда ал 23 жашта. 2018-жылы казак жарандыгын алып, турнирлерге Казакстандын атынан катыша баштаган.
Уимблдон мелдешинин эркектер арасындагы финалы 10-июлда болот. Анда сербиялык теннисчи Новак Жокович менен австралиялык Ник Кирьос беттешет.