Нарында 80деги карыя, Ат-Башыда 50дөгү адам изделип жатат. Бул тууралуу Өзгөчө кырдаалдар министрлигинин басма сөз кызматы билдирди.
28-июнда 1972-жылы туулган И.К. Ат-Башы районунун Жаңы-Жер жайлоосунан мал издеп чыгып, кечинде аты келип, өзү келбей калган. Жоголгон адамды Ат-Башы райондук өзгөчө кырдаалдар бөлүмүнөн 9 куткаруучу, ИИМден 10 кызматкер, жергиликтүү тургундардан 5 адам издеп жатышат.
Кечээ, 29-июнда 1942-жылы туулган Т.Ж. Нарын шаарындагы үйүнөн чыгып кеткен боюнча кайтып келген эмес. ӨКМден беш куткаруучу барып, карыянын кийимдерин Нарын дарыясынын жээгинен табышкан. Издөө бүгүн да уланып жатат.