Ош шаардык мэриясы Коргоо министрлигинин жерин мыйзамсыз жеке менчикке берип ийгени аныкталды. Бул тууралуу Башкы прокуратуранын басма сөз кызматы билдирди.
Мыйзамсыз менчикке чыккан «коргоо жери» категориясындагы тилкенин учурдагы баасы 1 миллиондон ашуун сомду түзөт. Бул боюнча Аскер прокуратурасы Ош мэриясына жана шаардык турак жай пайдалануу башкармалыгына иш козгоду.
Учурда жооптуу адамдар Кылмыш-жаза кодексинин 337-беренеси (кызматынан кыянат пайдалануу) менен сурак берип жатышат.