Бүгүн, 28-июнда Бишкектин Биринчи Май райондук сотунда 2020-жылдагы Октябрь окуясы боюнча отурум өтүп, анда мамлекеттик айыптоочу мурдагы президент Алмазбек Атамбаевди Кылмыш-жаза кодексинин 278-беренеси (массалык баш аламандык) боюнча күнөөлүү деп таап, 12 жылга эркинен ажыратууну суранды.
Мындан тышкары президенттин аппаратынын мурдагы жетекчиси Фарид Ниязовди, Мамлекеттик күзөт кызматынын мурдагы кызматкери Канат Сагымбаевди 7 жылга эркинен ажыратуу өтүнүчүн келтирди.
Ички иштер министринин мурдагы орун басары Курсан Асанов жана саясатчы Жеңиш Молдокматовду 9 жылга эркинен ажыратууну суранды. Алар Кылмыш-жаза кодексинин 278-беренеси (мссалык башаламандык), Жазык кодексинин 257-беренеси (курал уурдоо же опузалап алуу) беренеси менен айыпталууда.
Ал эми Социал-демократтар партиясынын лидери Темирлан Султанбековду Кылмыш-жаза кодексинин 278-беренеси (массалык башаламандык), 374-беренеси (бийлик өкүлүн коркутуу же ага карата зомбулук) менен 9 жылга эркинен ажыратууну суранды.